Вход   |  Регистрация
Качественные бесплатные шаблоны dle скачать с сайта



Шавкат Мирзиёев Путиннинг Самарқандга ташрифига изоҳ берди.

Автор: HacKeR_763

 

Ўзбекистон ҳукумати раҳбари Шавкат Мирзиёев Россия президенти Владимир Путинга шахсан Самарқандга ташриф буюргани учун миннатдорчилик билдирди

Россия Ўзбекистон учун стратегик ҳамкор ва иттифоқчи бўлган, эндиликда бу фаолият давом эттирилади, дея Шавкат Мирзиёев сўзларидан иқтибос келтирмоқда «Спутник» агентлиги. 

Аввал хабар қилганимиздек, РФ президенти Владимир Путин 6-сентябрь куни G20 саммитида иштирок этиб қайтишда Самарқандга киргани ҳақида хабар қилинган эди. 
У, Ислом Каримов вафоти муносабати билан унга таъзим бажо келтириш мақсадида Ўзбекистонга келган. 

«Сизнинг бугунги ташрифингиз кўп нарсани англатади ва биз жуда миннатдормиз. Бу бизнинг бошимизга тушган оғир мусибатли дамларда ҳақиқий дўстнинг елкам-елка туришини англатади», — деган Ўзбекистон бош вазири Путин билан учрашувда. 

Мирзиёев, шунингдек, РФ бош вазири Дмитрий Медведевнинг ташрифи учун ҳам миннатдорчилик билдирган. 

«Биз кеча Хитойда берган интервьюнгизни кўриб, ҳурматли Ислом Абдуғаниевич ҳақида сўзлаган ижобий фикрларингизни эшитдик. Сиз айтгандек, ўтган йиллар давомида Ўзбекистон ва Россия ўртасида ўзаро алоқаларнинг жиддий тузилмаси шаклланган», — деб таъкидлаган Мирзиёев.

Республика бош вазирининг таъкидлашича, Ўзбекистоннинг Россия билан алоқалари «стратегик ҳамкорлик ва иттифоқчилик мақомида бўлган ва шундай бўлиб қолади».

«Сизнинг Ўзбекистонга шундай оғир дамларда келишингиз, ҳурматли президентимиз ва ўзбек халқига шахсий муносабатингиз қандай эканини билдиради. Бугун Тошкентда ҳам, Самарқанд ва мамлакат бўйлаб сизнинг ташрифингизни фахр билан тилга олишмоқда», — деган Ўзбекистон ҳукумати раиси. 

 

Manba:Kun





Поделитесь с друзьями:
Просмотров: 11 088   
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.

Информация

Посетители, находящиеся в группе Гости, не могут оставлять комментарии к данной публикации.